"Арсенал"нинг барча мусобақалардаги ғалабали серияси тўққизта ўйинга етди.

Премьер-лиганинг 10-турида Микель Артета шогирдлари "Бёрнли"ни 2:0 ҳисобида мағлуб этишди. Уларнинг олдинги ғалабалари: "Брайтон" (2:0), "Кристал Пэлас" (1:0), "Атлетико Мадрид" (4:0), "Фулхем" (1:0), "Вест Хэм" (2:0), "Олимпиакос" (2:0), "Ньюкасл" (2:1) ва "Порт-Вейл" (2:0). Тўплар фарқи 18:1.

Лондонликлар жорий мавсумда 15 та ўйин ўтказиб, уларнинг 13 тасида ғалаба қозонган, август охирида "Ливерпул"га ютқазган, сентябрда эса "Манчестер Сити" билан дуранг ўйнаган.

4 ноябрь куни "Арсенал" Чемпионлар лигаси доирасида Праганинг "Славия" жамоасига қарши баҳс олиб боради.