"Барселона" бош мураббийи Ханс-Дитер Флик ҳимоячи Пау Кубарсининг формаси ҳақидаги саволга жавоб қайтарди.
"У неча ёшда? У 18 ёшда, шунинг учун у ҳар доим ҳам энг яхши ҳолатда эмаслиги нормал ҳолат. Менимча, у икки мавсумдан бери юқори савияда ўйнамоқда. Мен жуда хурсандман. Агар у энг яхши ҳолатда бўлмаса, биз у ва бошқалар билан ишлашимиз керак", - деди Флик Barca Universal билан суҳбатда.
Кубарси жорий мавсумда барча мусобақаларда ўнта ўйинда майдонга тушди. Эртага, 2 ноябрь куни “Барселона” Испания Ла Лигасининг 11-тури доирасида “Эльче”ни қабул қилади.
