Мадриднинг "Реал" клуби ҳужумчиси Килиан Мбаппе Ла Лига доирасидаги "Валенсия"га (4:0) қарши ўйиндаги ғалаба ҳақида фикр билдирди.
26 ёшли футболчи биринчи бўлимдаёқ дубль қайд этган бўлса, 79-дақиқада захирага олинди. Учрашув бошланишидан олдин француз томошабинларга яқинда қўлга киритилган "Олтин бутса"ни тақдим этди, шунингдек, Ла Лигада ойнинг энг яхши футболчиси совринини қўлга киритди.
"Бернабеу"да байрам кечаси. Жамоа аъло даражада ишлади. Шу зайлда давом этиш керак. Hala Madrid", - деб ёзди юлдуз ҳужумчи ўйин якунланганидан кўп ўтмай ижтимоий тармоқларда.
Килиан Мбаппе Испания чемпионати тўпурарлари рўйхатида 11 та баҳсда 13 та гол урган ҳолда пешқадамлик қилмоқда.
