«Интер» Италия чемпионатининг 10-турида сафарда «Верона»ни 2:1 ҳисобида мағлуб этди.

Меҳмонлар ярим ҳимоячиси Пётр Зелиньски 16-дақиқада ҳисобни очди, 40-дақиқада эса мезбонлар ҳужумчиси Джоване ҳисобни тенглаштирди. Асосий вақтга қўшиб берилган дақиқаларда «қора-кўклар» рақиб ҳимоячиси Мартин Фресенинг автоголи орқали ҳисобни 2:1 кўринишига етказишди.

Шу натижадан кейин «Интер» 21 очко билан жадвалда учинчи ўринни сақлаб қолди. «Верона» эса 5 очко билан 18-поғонада жойлашган.

Келгуси турда А Серияда «Интер» 9 ноябрь куни «Лацио»га қарши ўйнайди, «Верона» эса бир кун аввал «Лечче» билан куч синашади.

А Серия. 10-тур
2 ноябрь, якшанба, 16:30
Верона - Интер - 1:2
Голлар: Зелиньски, 16 (0:1). Джоване, 40 (1:1). Фресе, 90 - автогол (1:2)
Верона: Монтипо, Фресе, Нельссон, Белла-Котчап, Брадарич, Бернед (Ньясс, 73), Гальярдини, Акпа-Акпро (Арруи, 88), Бельгали, Орбан (Москера, 73), Джоване (Сарр, 80)
Интер: Зоммер, Бастони, Биссек, Аканджи, Карлос Аугусту (Димарко, 65), Зелиньски (Барелла, 55), Хакан Чалханоглу, Сучич (Фраттези, 88), Луис Энрике (Дюмфрис, 55), Мартинес, Бонни (Эспозито, 55)
Огоҳлантиришлар: Орбан, 41. Белла-Котчап, 90 - Биссек, 67