«Inter» Italiya chempionatining 10-turida safarda «Verona»ni 2:1 hisobida mag‘lub etdi.
Mehmonlar yarim himoyachisi Pyotr Zelinski 16-daqiqada hisobni ochdi, 40-daqiqada esa mezbonlar hujumchisi Djovane hisobni tenglashtirdi. Asosiy vaqtga qo‘shib berilgan daqiqalarda «qora-ko‘klar» raqib himoyachisi Martin Fresening avtogoli orqali hisobni 2:1 ko‘rinishiga yetkazishdi.
Shu natijadan keyin «Inter» 21 ochko bilan jadvalda uchinchi o‘rinni saqlab qoldi. «Verona» esa 5 ochko bilan 18-pog‘onada joylashgan.
Kelgusi turda A Seriyada «Inter» 9 noyabr kuni «Lasio»ga qarshi o‘ynaydi, «Verona» esa bir kun avval «Lechche» bilan kuch sinashadi.
A Seriya. 10-tur
2 noyabr, yakshanba, 16:30
Verona - Inter - 1:2
Gollar: Zelinski, 16 (0:1). Djovane, 40 (1:1). Frese, 90 - avtogol (1:2)
Verona: Montipo, Frese, Nelsson, Bella-Kotchap, Bradarich, Berned (Nyass, 73), Galyardini, Akpa-Akpro (Arrui, 88), Belgali, Orban (Moskera, 73), Djovane (Sarr, 80)
Inter: Zommer, Bastoni, Bissek, Akandji, Karlos Augustu (Dimarko, 65), Zelinski (Barella, 55), Xakan Chalxanoglu, Suchich (Frattezi, 88), Luis Enrike (Dyumfris, 55), Martines, Bonni (Espozito, 55)
Ogohlantirishlar: Orban, 41. Bella-Kotchap, 90 - Bissek, 67
