Суперлига 27-турида "Пахтакор" Тошкент дербисида "Бунёдкор" билан ўйнайди.
“Бунёдкор” билан кечадиган дербилар ҳамиша кескин тўқнашувларга бой тарзда ўтади.
Ҳозиргача ўтказилган 39 беллашувнинг 15тасида "Шерлар" ғолиб бўлишган. 10та баҳсда дуранг ва 14 ўйинда рақиб ғалабаси кузатилган. "Пахтакор" 51 тўп киритиб, 46 гол ўтказиб юборган.
Жамоалар ўртасидаги энг йирик натижа 2020 йилнинг биринчи даврасида кузатилиб, унда "Пахтакор" 5:0 ҳисобида ютуққа эришган. "Пахтакор" майдонларидаги баҳсларда 9 ғалаба, 6 дуранг ва 4 мағлубият қайд этилган. Голлар уриш борасида устунлик "шерлар" тарафида - 27:15.
"Пахтакор" ва "Бунёдкор" жамоалари ўртасидаги ўйин 3 ноябрь, душанба куни соат 18:30да "Жар" стадионида бошланади.
