«Милан» дарвозабони Майк Меньян «Рома»га қарши 1:0 ҳисобидаги ғалабадан сўнг журналистлар билан суҳбатда ўз фикрларини билдирди.
Мезбонларнинг ягона голни 39-дақиқада Страхиня Павлович томонидан киритилди. 82-дақиқада римликлар пенальти ишлаб олишди, аммо Пауло Дибала Меньян дарвозасини ишғол эта олмади — француз дарвозабон зарбани қайтариб, жамоаси учун ғалабани сақлаб қолди.
«Бу ўйиннинг энг муҳим лаҳзаси эди, мен ўзимга ишонч ҳис қилдим. Жамоа менга ишонди, ва мен ёрдам бера олганимдан хурсандман. Уч очко — жуда муҳим натижа. Биз мавсум бошидан буён бошлаган йўлимизни давом эттиряпмиз ва ҳар бир очко учун курашяпмиз. Шундай ўйнаётганимизда, бизни тўхтатиш қийин», — дея Меньяннинг сўзларини келтирган DAZN нашри.
10 турдан сўнг «Милан» А Серияда 21 очко тўплаган, бу натижа «Рома» ва «Интер» кўрсаткичи билан тенг. Жадвалдаги етакчиликни эса 22 очко билан «Наполи» сақлаб турибди.
