«Milan» darvozaboni Mayk Menyan «Roma»ga qarshi 1:0 hisobidagi g‘alabadan so‘ng jurnalistlar bilan suhbatda o‘z fikrlarini bildirdi.

Mezbonlarning yagona golni 39-daqiqada Straxinya Pavlovich tomonidan kiritildi. 82-daqiqada rimliklar penalti ishlab olishdi, ammo Paulo Dibala Menyan darvozasini ishg‘ol eta olmadi — fransuz darvozabon zarbani qaytarib, jamoasi uchun g‘alabani saqlab qoldi.

«Bu o‘yinning eng muhim lahzasi edi, men o‘zimga ishonch his qildim. Jamoa menga ishondi, va men yordam bera olganimdan xursandman. Uch ochko — juda muhim natija. Biz mavsum boshidan buyon boshlagan yo‘limizni davom ettiryapmiz va har bir ochko uchun kurashyapmiz. Shunday o‘ynayotganimizda, bizni to‘xtatish qiyin», — deya Menyanning so‘zlarini keltirgan DAZN nashri.

10 turdan so‘ng «Milan» A Seriyada 21 ochko to‘plagan, bu natija «Roma» va «Inter» ko‘rsatkichi bilan teng. Jadvaldagi yetakchilikni esa 22 ochko bilan «Napoli» saqlab turibdi.