Испания терма жамоаси ва Каталониянинг «Барселона» клуби собиқ ҳимоячиси Жорди Альба ўз вақтида «Валенсия»да бирга ишлаган мураббий Унаи Эмери ҳақида фикр билдирди.
«Менинг фаолиятимдаги энг муҳим шахс — Эмери. У майдондаги позициямни ўзгартирди ва менга ёрдам бериш учун қўлидан келганини қилди. Бу менинг ривожланишимда ҳал қилувчи қадам бўлган. Аввалига мен ҳимояда ўйнашни хоҳламаганман, аммо Унаи шундай қарор қилди. Натижада, у туфайли менда муваффақиятли карьера шаклланди», — дея Альбанинг сўзларини келтирган Tribal Football.
Эслатиб ўтамиз, Жорди Альба 2023 йилдан буён АҚШнинг “Интер Майами” клуби шарафини ҳимоя қилиб келмоқда. У жорий мавсум якунлангач, профессионал фаолиятини тугатишни режалаштирган.
