Англиянинг икки гранди — “Тоттенхэм” ва “Челси” жамоалари Португалиянинг “Порту” клуби форварди, 21 ёшли испаниялик Саму Агехова трансфери учун курашга тайёрланмоқда.
Маълумотларга кўра, ҳужумчининг нархи тахминан 70 миллион фунт стерлинг атрофида бўлиши мумкин.
Агехова жорий мавсумда аъло формада ўйнамоқда — у 15 та баҳсда 11 та гол урган ва 1 та ассист берган.
Манбалар таъкидлашича, ҳар икки клуб ҳам қишки трансфер ойнасида расмий таклиф билан чиқиши мумкин, чунки ёш ҳужумчи Европа футболидаги энг истиқболли форвардлардан бирига айланган.
