Таянч ярим ҳимоячи Ориоль Ромеу Англиянинг "Саутгемптон" клубига эркин агент сифатида қайтишга яқин турибди, деб хабар беради Daily Echo.
34 ёшли Ромеу шу йилнинг август ойи охирида "Барселона" билан шартномасини ўзаро бекор қилганидан бери клубсиз эди. Трансфер бўйича келишувга аллақачон эришилган ва келишув тиббий ва бошқа трансфер расмиятчиликларидан сўнг якунланади.
"Саутгемптон" айни дамда Чемпионшипда 21-ўринни эгаллаб турибди. Ромеу 2015-2022 йиллар давомида "авлиёлар" сафида 256 та ўйин ўтказиб, 69 та сариқ карточка олиб, 8 та гол урган ва 7 та голли узатмани амалга оширган. Унинг бозор нархи 800 000 еврога баҳоланмоқда.
