"Ливерпуль" бош мураббийи Арне Слот Чемпионлар лигаси доирасида "Реал"га қарши ўйин учун асосий таркибни танлашда "Манчестер Сити" билан бўлажак ўйинга эътибор бермаслигини айтди. Ушбу жамоалар ўртасидаги ўйин 5 ноябр куни Тошкент вақти билан соат 01:00да бошланади.
"Якшанба кунги ўйин эртанги кун учун асосий таркибимга таъсир қилмайди. Ўйинлар орасида тўрт кун бор - бу оддий танаффус. Бизда ўйинлар оралиғида бор-йўғи икки кун бўлган вазиятлар бўлган ва бу яхши. Эртага ҳам шундай бўлади ва иккала жамоа ҳам тенг шароитда", - деди Слот.
"Реал Мадрид" билан ўйиндан сўнг "Ливерпуль" Манчестерга йўл олади ва у ерда 9 ноябрь куни АПЛнинг марказий турида "Манчестер Сити"га қарши майдонга тушади.
