Лондоннинг "Арсенал" клуби бош мураббийи Микель Артета ҳужумчи Виктор Дьёкерешнинг ҳолати ҳақида гапирди.
Швед Премьер-лиганинг сўнгги турида "Бёрнли"га қарши ўйинда (2:0) танаффусда мажбурий равишда алмаштирилганди.
"Виктор "Славия"га қарши ўйинни аниқ ўтказиб юборади. Бугун у машқ қилмади. Жароҳат қанчалик жиддий эканини билиш учун яқин кунларда яна бир нечта текширувлар ўтказишимиз керак," - деди Артета Чемпионлар Лигаси ўйини олдидан.
"Канонирлар" сешанба куни Чехиянинг "Славия" жамоаси билан ўйнайди. Учрашув Тошкент вақти билан соат 22:45 да бошланиши режалаштирилган.
