Испания терма жамоаси бош мураббийи Луис де ла Фуэнте илк бор "Барселона" форварди Ламин Ямал ва "Реал" ҳимоячиси Даниэл Карвахал ўртасида юзага келган кескинлик ҳақида гапирди.
Аввалроқ, "класико"да футболчилар ўртасида зиддият юзага келганди.
"Жамоада ҳеч қандай можаро, ғалати ҳолатлар ёки "ташқаридан" рақобат бўлмаган. Бизда ҳамжиҳатлик ва ҳурмат муҳити ҳукмрон - бу ерда умумий нарса ҳар доим шахсий нарсадан устун. Бу футболчиларнинг етуклигидан дарак беради. Европа чемпионатини жуда яхши эслайман: Ямалнинг узатмаси, Карвахалнинг голи, уларнинг қучоқлаши ва ҳиссиётлари. Терма жамоа мана шундай кўринишга эга. Жамоамизда доим юрт манфаати биринчи ўринда бўлишига ишончим комил," - деди де ла Фуэнте.
Ўйин олдидан Ямал "Реал" тез-тез ҳийла ва шикоятларга қўл уришини айтди, мадридликларнинг ғалабасидан сўнг Карвахаль "Барселона" футболчисига "жим туриш" ишорасини қилди. Кейинроқ футболчилар ижтимоий тармоқларда бир-бирини кузатмай қўйди.
