Ispaniya terma jamoasi bosh murabbiyi Luis de la Fuente ilk bor "Barselona" forvardi Lamin Yamal va "Real" himoyachisi Daniel Karvaxal o‘rtasida yuzaga kelgan keskinlik haqida gapirdi.
Avvalroq, "klasiko"da futbolchilar o‘rtasida ziddiyat yuzaga kelgandi.
"Jamoada hech qanday mojaro, g‘alati holatlar yoki "tashqaridan" raqobat bo‘lmagan. Bizda hamjihatlik va hurmat muhiti hukmron - bu yerda umumiy narsa har doim shaxsiy narsadan ustun. Bu futbolchilarning yetukligidan darak beradi. Yevropa chempionatini juda yaxshi eslayman: Yamalning uzatmasi, Karvaxalning goli, ularning quchoqlashi va hissiyotlari. Terma jamoa mana shunday ko‘rinishga ega. Jamoamizda doim yurt manfaati birinchi o‘rinda bo‘lishiga ishonchim komil," - dedi de la Fuente.
O‘yin oldidan Yamal "Real" tez-tez hiyla va shikoyatlarga qo‘l urishini aytdi, madridliklarning g‘alabasidan so‘ng Karvaxal "Barselona" futbolchisiga "jim turish" ishorasini qildi. Keyinroq futbolchilar ijtimoiy tarmoqlarda bir-birini kuzatmay qo‘ydi.
