Чемпионлар лигасининг 4-турида "Манчестер Сити" Дортмунднинг "Боруссия" клубини қабул қилади. "Шаҳарликлар" ҳужумчиси Эрлинг Холанд собиқ жамоасига қарши ўйин ҳақида гапирди.
"Менинг "Боруссия"да бир нечта дўстларим қолди. Ҳозиргача кўплаб ходимлар билан алоқадаман. Дортмундда ажойиб вақтлар ўтказдим. Бу ажойиб клуб, ажойиб одамлар бор. Улар ҳақида фақат яхши нарсаларни айтишим мумкин. Икки ярим йиллик фаолиятимдан жуда кўп ажойиб хотиралар бор. Бу мен учун алоҳида ўйин бўлади", - деди Холанд матбуот анжуманида.
Эрлинг Холанд "Боруссия" сафида 89 та ўйин ўтказиб, 86 та гол урди ва 23 та голли узатмани амалга оширди.
