“Барселона” бош мураббийи Ханси Флик жорий мавсумдаги энг катта ташвишлардан бири сифатида Рафиньянинг жароҳатини таъкидлаган.
Хабарларга кўра, Флик бразилиялик вингерни жамоа учун Ламин Ямал ва ярим ҳимоячи Педри каби муҳим фигура сифатида кўради.
Мураббийнинг фикрича, Рафиньянинг тезкорлиги ва ҳужумдаги универсаллиги “кўк-анорранглилар” ўйин услубининг асосий бўғинларидан бири ҳисобланади.
28 ёшли футболчи жароҳати туфайли бир неча ҳафта майдондан четда қолган бўлса-да, Флик унинг тикланишини яқиндан кузатмоқда ва қайта майдонга тушишини жамоа учун ҳал қилувчи омил сифатида баҳоламоқда.
Рафинья ФИФА кунларидан сўнг яна ўйинларда иштирок этишга тайёр бўлиши кутилмоқда.
