"ПСЖ" Чемпионлар Лигаси умумий босқич 4-туридан ўрин олган "Бавария"га қарши баҳсда мағлуб бўлди - 1:2. Ўйин Париждаги "Парк де Пренс" стадионида бўлиб ўтди.
Учрашувнинг 4-дақиқасида мюнхенликлар ҳужумчиси Луис Диас ҳисобни очди. Биринчи бўлим ўрталарида Усмон Дембеле гол урди, бироқ такрорий вазият кўрилганидан кейин гол бекор қилинди. 32-дақиқада Диас дубль қайд этган бўлса, танаффус арафасида Ашраф Ҳакимийга қўполлик ишлатгани учун қизил карточка билан жазоланди.
74-дақиқада парижликлар ярим ҳимоячиси Жоау Невеш орадаги фарқни қисқартирди.
"ПСЖ" Чемпионлар Лигасидаги илк мағлубиятини қабул қилиб олди ва турнир жадвалида 3-ўринга тушиб кетди - 9 очко. "Бавария" 12 очко билан пешқадамга айланди.
