"Арсенал" ярим ҳимоячиси Микель Мерино Чемпионлар Лигаси умумий босқич 4-туридан ўрин олган "Славия"га (3:0) қарши ўйиннинг энг яхши футболчиси деб топилди.
29 ёшли испаниялик ушбу учрашувда дубль қайд этиб, 11,5 км масофани югуриб ўтди ва унинг узатмаларидаги аниқлик 73 фоизни ташкил этди.
"Мерино "Арсенал" тўпга эгалик қилганида чизиқлар орасида жуда яхши ҳаракат қилди, тўпсиз астойдил ишлади ва ҳужумда самарадорлик кўрсатди", - дея таъкидлади УЕФА техник кузатувчилари гуруҳи.
"Арсенал" очколарини 12 тага етказиб, Чемпионлар лигаси умумий турнир жадвалида 1-ўринга чиқиб олди. "Славия" эса 30-поғонага тушиб кетди - 2 очко.
