"Бавария" бош мураббийи Венсан Компани жамоасининг Чемпионлар Лигаси доирасида "ПСЖ"га қарши сафар ўйинидаги (2:1) муваффақияти ҳақида гапирди.
"Ғалабадан жуда хурсандман, аммо ноябрь ойида совринлар ютиб олинмаяпти. Хотиржамликни сақлаб, кейинги ўйинга тайёргарлик кўришимиз керак. Жамоамиз ҳар қандай қийинчиликка тайёр эканини яна бир бор исботлади ва бугун бир тайм давомида камчиликда ўйнаб, буни уддаладик. Бу бизга ишонч бағишлайди," - деди Компани журналистлар билан суҳбатда.
"Бавария" Чемпионлар Лигаси умумий босқичининг 4-туридан кейин 12 очко жамғарди.
