Мадриднинг "Реал" клуби ўнг қанот ҳимоячиси Трент Александер-Арнольд "Энфилд" мухлислари томонидан кутиб олинганидан ҳафсаласи пир бўлди.

Сешанба куни "Ливерпуль" ўз майдонида "қаймоқранглилар"ни қабул қилди. "Қизиллар" мухлислари ўйин бошланишидан олдин ҳам, 81-дақиқада захирадан майдонга тушган Трентга ҳуштакбозлик қилишди. Indykaila News хабарига кўра, 27 ёшли футболчи трибунадагиларнинг бундай муносабатидан ҳафсаласи пир бўлган - у ўзи учун қадрдон бўлган клуб мухлисларидан илиқроқ муносабат кутган.

Александер-Арнольд фаолиятининг бошидан жорий йилнинг июнигача "Ливерпуль" шарафини ҳимоя қилди ва шундан сўнг "Реал"га ўтди. Мерсисайдликларнинг кўплаб мухлислари ҳалигача маҳаллий тарбияланувчидан хафа бўлиб юришибди.