"Ливерпуль" марказий ҳимоячиси Виржил ван Дейк Чемпионлар лигаси доирасидаги ўйинда "Реал" дарвозабони Тибо Куртуага мурожаат қилди.
"Қизиллар" сардори меҳмонлар дарвозабонининг ўйинидан ҳайратга тушди ва бу ҳақда унга маълум қилди: "Сен ҳар доимгидек ҳамма зарбани қайтаряпсан," - дея нидерландияликнинг сўзларини келтиради Defensacentral.
Ўйиндан кейинги интервьюсида ҳам ван Дейк бельгиялик футболчининг ўйинини алоҳида таъкидлаб ўтди.
Тибо Куртуа "Ливерпуль" футболчиларининг саккизта зарбасини қайтарди, аммо бир марта барибир ўтказиб юборди - 61-дақиқада ярим ҳимоячи Алексис Мак Аллистер Тибо дарвозасига тўп киритди.
