"Астон Вилла" матбуот хизмати мухлисларни янгилик билан хурсанд қилди - марказий ярим ҳимоячи ва жамоа сардори Жон Макгинн клуб билан янги меҳнат шартномасини имзолади. Бу ҳақдаги маълумот берминҳемликлар расмий сайтида пайдо бўлди.
Етти йилдан буён "Астон Вилла" шарафини ҳимоя қилаётган 31 ёшли футболчи 2028 йилнинг ёзигача клубда қоладиган бўлди.
Жорий мавсумда шотландиялик хавбек барча мусобақаларда 14 та ўйинда майдонга тушиб, 3 та гол ва 1 та голли узатмани ўз ҳисобига ёздириб қўйди.
"Астон Вилла" Англия чемпионатининг 10-туридан кейин 15 очко жамғарган ҳолда турнир жадвалида 11-ўринда бормоқда.
