Европа Чемпионлари Лигаси гуруҳ босқичининг 4-тур доирасида бўлиб ўтадиган "Брюгге" - "Барселона" жамоалари ўртасидаги учрашувдан олдин мезбонлар ҳимоячиси Хоакин Сейс ўз фикрлари билан ўртоқлашди.
"Ламин Ямалга қарши ўйин жиддий синов бўлади. Кўрамиз, мен уни тўхтата оламанми? Бу қизиқарли синов бўлади. Қизиқарли ўйин. Ҳар бир бола буни орзу қилади. Умид қиламанки, "Барселона" ўзининг энг кучли таркиби билан ўйнайди. Мен ҳамма нарсага қодир эканлигимни кўрсатмоқчиман" - деди Хоакин Сейс.
Эслатиб ўтамиз, "Брюгге" - "Барселона" учрашуви бугун тунда, 01:00да бошланади.
