"Барселона" ярим ҳимоячиси Френки де Йонг Чемпионлар лигаси доирасида "Брюгге"га (3:3) қарши ўйиндан кейин Ламин Ямал ҳақида гапирди. Ямал киритилган голлардан бирига муаллифлик қилди.
"Ямал ўзини яхши кўрсатди. У яхши футболчи, ўзига хос. У ҳар доим ажралиб тура олади. Балки қайсидир ўйинни бошқасига нисбатан яхшироқ ўтказар. Агар у ишлашда давом этса, унда хавотирга ўрин йўқ," - деди де Йонг Movistar’га.
Энди "Барселона" Испания чемпионатида "Сельта" меҳмони бўладиган ўйинга тайёргарлик кўради. Ўйин 9 ноябрь, якшанба куни бўлиб ўтади. Ҳозирда каталонияликлар пешқадам "Реал"дан 5 очко ортда қолмоқда.
