"Атланта" марказий ярим ҳимоячиси Алексей Миранчук Америка клубини тарк этмоқчи. Бу ҳақда Sport Baza хабар бермоқда.
Манбага кўра, россиялик хавбек "Атланта" МЛС плей-офф босқичига чиқа олмагани учун клубни тарк этмоқчи. Қайд этилишича, Миранчук АҚШдаги ўйинидан мамнун, шу боис фаолиятини давом эттириш учун маҳаллий клуб изламоқда. Футболчи Россия чемпионатига қайтишга ҳали тайёр эмас.
Ўтган мавсумда Алексей Миранчук 36 та ўйинда майдонга тушиб, 8 та гол ва 3 та голли узатмани ўз ҳисобига ёздириб қўйди. Унинг "Атланта" билан шартномаси 2027 йилнинг декабрида якунига этади. Transfermarkt портали хавбекни 9 млн еврога баҳоламоқда.
