Opta мутахассислари УЕФАнинг клублар ўртасидаги асосий турнирида жамоаларнинг имкониятларини ҳисоблаш учун суперкомпьютерни ишга туширди. Машинадан Чемпионлар Лигасида ким ғолиб бўлишини "сўрашди".

"Жавоб" шундай бўлди: Чемпионлар Лигаси кубогини қўлга киритиш учун энг катта имконият "Арсенал"да. Лондонликларнинг имкониятлари 23,53 фоизни ташкил қилади. Қизиғи шундаки, "канонирлар" клуби музейида ҳали Европа чемпионлари кубоги йўқ ва улар Англия Премьер-лигасида охирги марта 2004 йилда ғалаба қозонган.

Иккинчи ўринда "Бавария" бормоқда. Унинг ғалаба қозониш эҳтимоли - 14,33%. Кучли учликни "Манчестер Сити" якунлаб берди - 12,95%.

Кейинги ўринларда "Ливерпуль" (11,72 фоиз), "ПСЖ" (10,22 фоиз), "Реал" (4,7 фоиз) ва "Барселона" (4,24 фоиз) бормоқда.