Даниэле де Росси яна мураббийлик фаолиятига қайтди. "Женоа" пайшанба куни де Россини мураббий сифатида тайинлади. Даниэле томонидан имзоланган меҳнат шартномаси қанча муддатга мўлжалланганлиги ҳозирча ошкор этилмаган.
"Женоа"нинг қайд этишича, де Росси аллақачон жамоа билан учрашган ва пайшанба куни машғулот ўтказади. Жума куни 42 ёшли мутахассис журналистларга таништирилади ва матбуот анжумани ўтказади.
10-турдан сўнг "Женоа" А Серия турнир жадвалида 18-ўринда бормоқда. Де Росси жамоаси навбатдаги ўйинни 9 ноябрь, якшанба куни ўз майдонида "Фиорентина"га қарши ўтказади.
Даниэле де Росси "Рома"ни тарк этганидан сўнг, 2024 йил сентябрь ойидан бери мураббийлик қилмаётган эди.
