"Арсенал" 21 декабрь куни меҳмонда "Эвертон"га қарши АПЛ ўйинини ўтказади. "Канонирлар" 23 декабрь куни "Кристал Пэлас"га қарши ўз уйида Лига кубоги ўйинини ҳам ўтказади. Микель Артета тақвимни ўзгартиришга чақирди.
"21 ва 23 декабрь кунлари бўладиган ўйинлар? Умид қиламанки, бундай бўлмайди. Мен оптимистик фикрдаман. Биз доимо барча томонлар билан ўйинчиларнинг фаровонлиги ҳақида гаплашамиз. Агар биз бу тамойилни сақлаб қолмоқчи бўлсак, бунга йўл қўйиб бўлмайди. Якшанба ва сешанба кунлари ўйнай олмаймиз. Биз ижобий музокаралар олиб бормоқдамиз", - деди Артета журналистларга.
"Арсенал" АПЛда пешқадамлик қилмоқда.
