«Динамо» иккинчи давра ўйинларига Самарқандда тайёргарлик кўрмоқда. Бу ҳақда клуб расмий сайти хабар бермоқда.
Жамоа йиғинига бир қатор янги футболчилар келиб қўшилмоқда. Жумладан, биринчи даврани «Қизилқум»да ўтказган Аваз Агалиев ва Алишер Саматов, «Нефтчи» вакили Ойбек Нурбоев ва «Пахтакор»дан Ильдар Маматказин «Динамо» сафида иккинчи даврага тайёргарлик кўрмоқда.
«Динамо» расмий сайтининг 18 июлдаги хабарига кўра, жамоа машғулотларига Нигериядан икки футболчи қўшилган. 1990 йилда туғилган Ёқуб Майза ва 1995 йилда туғилган Лоуренс Катто мураббийлар кўригидан муваффақиятли ўтса, «Динамо»да қолиши мумкин.
