Дортмунднинг "Боруссия" клуби бош директори Ханс-Йоахим Ватцке "Бавария"нинг Чемпионлар лигасидаги иштирокини баҳолади.
Мюнхенликлар умумий босқич 4-турида "ПСЖ" меҳмони бўлиб, 2:1 ҳисобида ғалаба қозонди.
"Бу ҳайрат ва завқланишнинг қоришмаси эди. Биринчи бўлим - мен умуман сўнгги йилларда кўрган энг яхши бўлимлардан бири. Албатта, кейинчалик биргина хато билан ўзингизни ўйиндан чиқариб юборишингиз мумкин. Охирида ҳаммаси бироз таранглашди.
Парижда ғалаба қозониш - биз ҳам бунга икки йил олдин Дортмунднинг "Боруссия"си билан эришгандик. Аммо биринчи бўлимдаёқ бу қадар ишончли тарзда ғалаба қозониш, шундай баёнот бериш - "Бавария"нинг буюк ўйини эди.
"Бавария" каби клуб халқаро майдонда Бундеслига шарафини ёрқин ҳимоя қилаётганидан хурсанд бўлишимиз керак. Мамлакат ичида эса чемпионатда бироз интрига пайдо бўлса, зўр бўларди. Аммо бу "Бавария"га қарши, ҳозирги ҳолатида бу қийин", - деди Ватцке.
Ватцке ноябрь ойи охирида "Боруссия" бош директори лавозимини тарк этади.
