"Манчестер Сити" ҳужумчиси Эрлинг Холанд жамоа устози Хосеп Гвардиола ҳақидаги саволга жавоб берди. Норвегиялик футболчи якшанба куни бўлиб ўтадиган "Ливерпул"га қарши Премьер-лига ўйини олдидан испаниялик мутахассиснинг иши ҳақида гапирди.
"Гвардиола - даҳо. У бекорга тинимсиз ғалаба қозонмаяпти - буларнинг барчаси меҳнат ва фидойилик туфайли. Унинг клуб учун ва бутун фаолияти давомида қилган ишлари шунчаки фантастика. Гап ҳамкорликда ишлаш ҳақида: биз унинг гапларини тинглашимиз, ўйин бўйича кўрсатмаларга амал қилишимиз ва юқори даражадаги футболни намойиш этишимиз керак. У бунга лойиқ", - дея Холанднинг сўзларини келтиради журналист Жек Гаган.
"Шаҳарликлар"нинг "Ливерпул"га қарши учрашуви Тошкент вақти билан 21:30да бошланади.
