Чоршанба куни "Барселона" Чемпионлар лигаси доирасида Бельгиянинг "Брюгге" клуби билан дуранг ўйнади (3:3).

Учрашув якунлангач, Каталония клуби чап қанотдаги муаммолардан жиддий хавотирга тушди: ҳимоячи Алехандро Бальде рақибларга жуда кўп бўш жой қолдирди, вингер Маркус Рэшфорд эса етарлича интенсив прессинг қилмади ва ҳимояда Бальдега кам ёрдам берди, деб ёзади журналист Фернандо Поло. Юқоридаги ҳолатларни инобатга олсак, Рафинья Диаснинг "Барса" учун аҳамияти янада яққолроқ кўринади, у нафақат ҳужумда ажойиб ўйин кўрсатган, балки тўпсиз ўйиндаги тиришқоқлиги билан жамоадошларини ҳам қўллаб-қувватлаган. Бразилиялик футболчи жароҳати туфайли сўнгги ўйинларни ўтказиб юборди.

Бугун Ханс-Дитер Флик жамоаси Ла Лига доирасида "Сельта"га қарши баҳс олиб боради.