"Барселона" ҳужумчиси Роберт Левандовски "Сельта"га қарши ўйиннинг 10-дақиқасида пенальтини аниқ амалга оширди. Юлдуз польяк фаолиятида юзинчи марта 11 метрлик жарима зарбасини амалга оширди - 89 уриниш гол билан якунланган.
Испания ОАВларининг таъкидлашича, 37 ёшли форвард пенальтини амалга ошириш фоизи бўйича Криштиану Роналдудан олдинда - 83,66 фоизга қарши 89 фоиз. Шунингдек, "кўк-анорранглилар" фахрийсидан Харри Кейн (88,88%), Эрлинг Холанд (83,87%) ва Килиан Мбаппе (80,28%) ҳам ортда қолмоқда.
Роберт Левандовски 2022 йилда "Барселона"га кўчиб ўтган. Каталонияга кўчиб ўтишдан олдин футболчи Германиянинг "Бавария" ва Дортмунднинг "Боруссия" клубларида ўйнаган.
