"Наполи" бош мураббийи Антонио Конте жамоадаги вазиятдан хавотир билдирди.
Неаполликлар А Серия 11-турида "Болонья"га (0:2) имкониятни бой бериб қўйди ва 22 очко билан мусобақа жадвалида 4-ўринда бормоқда.
"Агар мавсумда бешта ўйинда ютқазсанг, демак, нимадир нотўғри кетяпти. Нимадир қилиш керак, чунки ўлаётган одамни қўллаб-қувватламоқчи эмасман. Мен биринчи бўлиб масъулиятни ўз зиммамга оламан.
Мен ҳеч қандай кимёни кўрмаяпман, ҳамма ўз муаммолари ҳақида ўйлаяпти, холос. Юрак кўчириб ўтказиш - бу ечим эмас. Ҳар биримиз ўз руҳимизни, қалбимизни, қатъиятимизни қайтадан топишимиз керак.
Бирор нарса қилиш мумкин, лекин уни қандай амалга оширишни кўриш керак. Шунчаки жамоада ўйнаш бошқа-ю, ўта юқори талаблар қўйилган жамоада ўйнаш бошқа", деди Конте.
