Хосеп Гвардиола қўл остидаги "Манчестер Сити" АПЛнинг 11-турида "Ливерпул"ни мағлуб этди. Бу ўйин унинг мураббийлик фаолиятидаги 1000-учрашуви бўлди. У илгари бирга ишлаган "Барселона" уни ушбу маррага эришгани билан табриклади.

"Сиз бизнинг тарихимизнинг бир қисмисиз ва доимо шундай бўлиб қоласиз. Мураббий сифатидаги 1000-ўйинингиз билан табриклаймиз!" -дейилади Каталония клубининг ижтимоий тармоқлардаги саҳифасида.

Гвардиола фаолияти давомида “Барселона” ва “Бавария”да ҳам ишлаган. Каталонияликлар билан у учта Испания чемпионлиги, икки марта Испания кубоги ва учта Испания Суперкубогини қўлга киритди. "Кўк-анорранглар" билан бирга мураббий икки марта Чемпионлар Лигаси, икки марта УЕФА Суперкубоги ва иккита ФИФА клублар ўртасидаги жаҳон чемпионати совринини қўлга киритди.

Мюнхен билан Гвардиола учта Германия чемпиони, иккита Германия кубоги, шунингдек, УЕФА Суперкубоги ва ФИФА клублар ўртасидаги жаҳон чемпионатида ғолиб чиқди. "Шаҳарликлар" билан Хосеп олтита Англия чемпиони, иккита Англия кубоги, тўртта Лига кубоги ва учта Германия Суперкубогини қўлга киритди. Шунингдек, у Манчестер жамоаси билан Чемпионлар лигаси, УЕФА Суперкубоги ва ФИФА клублар ўртасидаги жаҳон чемпионатида ғолиб чиқди.