Испаниянинг "Сельта" клуби янги бош мураббийи Луис Энрике келгуси ҳафтадан "Барселона"ни бошқариб қолиши мумкин.
"Sport" нашрининг хабар беришича, Тито Виланованинг соғлиги ёмонлашгани боис истеъфога чиққанидан сўнг айнан 43 ёшли мутахассис кўк-анорранглиларни бошқариши мумкин.
Манбанинг келтиришича, каталонияликлар Энрикени қўлга киритиш учун "Сельта"га муддатидан аввал шартномани бекор қилиниши сабабли 3 млн евро миқдорида компенсация тўлайди.
Эслатиб ўтамиз, Энрике 2008-2011 йиллар давомида "Барселона" ёшлар жамоасини муваффаққиятли бошқарган ва кейин "Рома"га ўтиб кетган эди.
Аввалроқ "Барселона" бош мураббийлигига номзод сифатида Андре Виллаш-Боаш, Микаель Лаудруп, Роналд Куман ва Эрнесто Вальверделар кўрсатилган эди.