"Манчестер Сити" ҳимоячиси Натан Аке жамоадан кетиш ҳақида жиддий ўйламоқда.
Нидерландиялик футболчи Хосеп Гвардиола жамоасининг асосий таркибига кира олмаяпти, шунинг учун у қишки трансферлар ойнасидаёқ жамоадан кетишни сўраши мумкин, дея хабар бермоқда журналист Саша Тавольери. 30 ёшли футболчига Италиянинг "Ювентус" ва "Интер," шунингдек, маҳаллий "Кристал Пэлас" клублари қизиқиш билдирмоқда.
"Шаҳарликлар" Натан Аке учун тахминан 35 млн евро сўраши тахмин қилинмоқда, Transfermarkt портали эса футболчини анча арзон - 22 млн еврога баҳоламоқда.













