"Ювентус" бош директори Дамен Камолли ҳужумчи Душан Влаҳович мавзусига изоҳ берди. Амалдаги шартнома Влаховични Турин клуби билан 2025/2026 йилги мавсум охиригача боғлаб туради.

"Влахович билан бу мавсумни ўтказишга келишиб олдик ва мавсум охирида шартнома бўйича музокараларни давом эттирамиз. Ўтган ёздан бери ўртамизда аниқ келишув бор", - дейди Камолли.

2025/2026 йилги мавсумда Душан Влахович 15 та ўйинда майдонга тушиб, ўз ҳисобига олтита гол ва битта голли узатмани ёздириб қўйди. "Ювентус" айни дамда А Серия турнир жадвалида олтинчи ўринда бормоқда.