"Барселона" дарвозабони Жоан Гарсия футболда нималарга эришишни орзу қилаётгани ҳақида гапирди.
24 ёшли футболчи жорий мавсум бошидан буён "кўк-анорранглилар" шарафини ҳимоя қилиб келмоқда. У бунгача Каталониянинг бошқа бир клуби - "Эспаньол" шарафини ҳимоя қилган.
"Мен жаҳон чемпионатидаги ғалабани барча имкониятлардан юқори деб биламан. Балки Чемпионлар Лигасидаги ғалаба ҳам шу даражада бўлар", - дея жавоб берди 24 ёшли футболчи мақсадлари ҳақидаги саволга.
Жоан Гарсия ҳозирча Испания терма жамоасида ўйнамади. Кипер "Барселона"нинг асосий таркибига кирди, аммо тез орада ҳали даволанмаган жароҳати туфайли сафдан чиқди.
