Испаниянинг Marca нашри хабарига кўра, "Реал" вингери Франко Мастантуононинг сафга қайтиш санаси аниқ эмас.
"Қироллик" клуби футболчи халқаро танаффус вақтида майдонда машғулотларни бошлаб юборишига умид қилмоқда.
Ҳозир клуб вингернинг жароҳатларини камайтириш ва жисмоний ҳолатини яхшилаш учун унинг оёқ қисмини мустаҳкамлашга эътибор қаратмоқчи.
Нима бўлганда ҳам, "қаймоқранглилар" 18 ёшли футболчи жароҳат олгунга қадар бўлганидан кўра яхшироқ формада сафга қайтишига ишонмоқда.
Франко жорий мавсумда жами 12 та ўйинда 1 та гол уриб, 1 та ассист берди.
