Мадриднинг "Реал" клуби вингери Винисиус Жуниор келаси йилдаёқ жамоани тарк этиши мумкин. Бразилиялик футболчининг "қаймоқранглилар" раҳбарияти билан янги шартнома бўйича музокаралари боши берк кўчага кириб қолди.
"Реал" юлдузни 150 млн еврога сотишга тайёр, бу ҳақда аввалроқ хабар берилганди. Журналист Саша Таволери маълумотига кўра, Винисиус фаолиятини давом эттириши мумкин бўлган энг эҳтимолий жой - Саудия Арабистони чемпионати. Европанинг грандлари, жумладан, "Манчестер Сити" ҳам 25 ёшли футболчига айтилган шартлар асосида таклиф беришни истамаяпти.
Transfermarkt портали Винисиус Жуниорнинг нархини худди шу 150 млн еврога баҳоламоқда. Футболчининг амалдаги келишуви 2027 йилнинг ёзига қадар мўлжалланган.
