"Барселона" ҳимоячиси Эрик Гарсия клуб билан янги узоқ муддатли шартнома имзолаш арафасида турибди.
Музокаралар муваффақиятли ўтмоқда ва муваффақиятли якунга яқинлашмоқда. Журналист Ферран Корреаснинг маълум қилишича, 24 ёшли футболчининг "кўк-анорранглилар" билан шартномаси 2029 йилнинг ярмигача мўлжалланган бўлиб, битимга яна бир йилга автоматик узайтириш имконияти ҳам киритилади.
Эрик Гарсия 2021 йилда "Манчестер Сити"дан "Барселона"га қайтганди. Жорий мавсумда испаниялик футболчи Ҳанс-Дитер Флик жамоасининг барча мусобақалардаги 16 та жангида қатнашиб, 1 та гол урган. Футболчининг амалдаги шартномаси келаси ёзда тугайди.













