Биринчи босқичнинг 22 турида "Оқтепа" рақиблар дарвозасини 32 бор ишғол қилди. Рақиблар дарвозасидан жой олган голларнинг 31таси ўйинчилар ҳисобига ёзилган бўлса, бир голга “НБУ-Осиё” ҳимоячиси Ҳусниддин Ғофуров муаллифлик қилди.

“Банкчилар” аъзоси 11-турда “Оқ-тепа” стадионида бўлиб ўтган баҳсда ўз дарвозасини ишғол қилиб қўйганди. Айни вақтда Маъруф Аҳмаджонов 7та гол билан “Оқ-тепа” тўпурари бўлиб турибди. У 4-турда “Бунёдкор-2” дарвозасини икки бор ишғол қилиб, дублга эришган.

Умумий ҳисобда 11 нафар футболчи ўз номини учрашув қайдномасига ёздириб қўйди. Қуйида барча голларга муаллифлик қилган футболчилар рўйхати билан танишишингиз мумкин.

 7 – Маъруф Аҳмаджонов
5 – Зокир Мирзааҳмедов
4 – Хушнуд Маматов
3 – Ильдар Магдеев
3 – Берумий Абдунабиев
2 – Никита Павленко
2 – Вадим Ничунаев
2 – Хислат Усмонов
1 – Азамат Мамажонов
1 – Алишер Алимов
1 – Андрей Шашков
1 – Ҳусниддин Ғофуров (ўз дарвозасига, “НБУ-Осиё”)