Лондоннинг "Арсенал" клуби дарвозабони Давид Райя ўз ватандоши Мартин Субимендининг клубга мослашиш жараёни ҳақида фикр билдирди.
Испаниялик футболчи ёзда "Реал Сосьедад"дан "канонирлар" сафига ўтганди.
"Менимча, Мартин Субименди жуда, жуда ақлли. У кўплаб ўйинчилар бор бўлган лигага жуда яхши мослашди. Одатда унинг позициясида ўйнайдиганлар учун мослашишга кўпроқ вақт керак бўлади.
У шунчаки жуда тез мослашди ва жамоа учун нима қилаётганини кўришингиз мумкин", - деди Райя.
Субименди "канонирлар" сафида мутлақ бошланғич таркиб футболчисига айланди ва жорий мавсум АПЛнинг шу пайтгача ўтказилган барча ўйинларида майдонга тушиб, иккита гол урди ва битта голли узатмани амалга оширди.
