Криштиану Роналду Ирландия - Португалия ўйинида ҳиссиётларини жиловлай олмади. Юлдуз ҳужумчи курашда рақибига тирсаги билан зарба берди. Натижада VAR аралашувидан сўнг Роналду қизил карточка билан жазоланди.
Ижтимоий тармоқларда энди ушбу четлатиш Роналду учун қандай оқибатларга олиб келиши мумкинлиги муҳокама қилинмоқда. Аниқки, ҳужумчи 16 ноябрь куни Арманистонга қарши бўлиб ўтадиган сўнгги саралаш ўйинини ўтказиб юборади.
Шу билан бирга, машҳур TheScreenshotLad саҳифасида таъкидланишича, Роналду тўғридан-тўғри қизил карточка олганлиги сабабли, у камида иккита ўйинга дисквалификация қилинади ва расмий турнирларга таъсир қилади. Яъни, агар португаллар мундиалга плей-офф босқичисиз йўл олса ва гуруҳдаги биринчи ўринни сақлаб қолса, Криштиану мундиал стартини ҳам ўтказиб юбориши мумкин.
Шу билан бирга, Роналду уч ўйинга дисквалификация қилиниши ҳам мумкинлиги айтилмоқда. ФИФА тартиб-интизом қўмитасининг қарорини кутиш керак бўлса керак.
