"Палмейрас" ҳужумчиси Витор Роке "Барселона"га ўтганини эслади.
Бразилиялик футболчи 2024 йил бошида "Атлетико Паранаэнсе"дан "кўк-анорранглилар" сафига қўшилганди. Ҳужумчи Каталонияда ўзини кўрсата олмади, шунинг учун ёздаёқ "Бетис"га ижарага берилди ва жорий йилнинг февралида ватанига қайтди.
"Барселона"га ўтишим? Гап пулда эмасди. Олдинда яна 10-15 йиллик карьерам бор, Худо хоҳласа, ҳозир бу ҳақда ўйлашнинг вақти эмас. Албатта, кетаётганимда аниқ карьера режам бор эди. "Барса" - ҳар бир футболчи ўйнашни орзу қиладиган дунёнинг энг яхши клубларидан бири. Мен Европага жуда эрта кетганман, аммо бу тажриба менга кўп нарсани ўргатди," - дея 20 ёшли футболчининг сўзларини келтирмоқда испан ОАВ.
Витор Роке 2025 йилги мавсумда "Палмейрас" сафида 52 та ўйинда майдонга тушиб, 20 та гол урган.
