Лондоннинг "Арсенал" клуби вингери Букайо Сака Англия терма жамоасига ЖЧ-2026 саралашида сербиялик рақибларини мағлуб этишга ёрдам берди (2:0).
Учрашувнинг 28-дақиқасида 24 ёшли "канонир" ҳисобни очди. Иккинчи голни унинг жамоадоши Эберечи Эзе киритди.
"Терма жамоа сафида яна гол урганимдан хурсандман, яна чиройли гол. Мен мамнунман. Яхши зарба, зўр чиқди. Сербия учун бу жуда муҳим ўйин эди, рақиб агрессивлик кўрсатди. Биз совуққонроқ ҳаракат қилишимиз мумкин бўлса-да, ёмон ҳаракат қилмадик," - деди Сака BBC билан суҳбатда.













