Франция терма жамоаси бўлажак жаҳон чемпионатига йўлланмани қўлга киритди. "Уч ранглилар" сўнгги турдан олдинги ўйинда Украина устидан қозонилган ғалабадан сўнг (4:0) саралаш гуруҳида пешқадамликни нақд қилди.
"Жаҳон чемпионатидаги мақсадимиз ярим финал эмас. Биз турнирда ғолиб чиқмоқчимиз. Ҳар бир киши жаҳон чемпионати ғолиби бўлишни орзу қилади - 48 та жамоанинг барчаси у ерга шу мақсадда келади. Агар ярим финалга чиқиб тўхтасак, мақсадга эришдик, деб бўлмайди," - дея Килиан Мбаппенинг сўзларини келтиради The Touchline.
Мадриднинг "Реал" клуби 26 ёшли форварди Украина терма жамоаси билан ўйинда дубль қайд этди ва фаолиятидаги голлари сонини 400тага етказди.
