Каталониянинг "Барселона" клуби 37 ёшли марказий ҳужумчиси Роберт Левандовски фаолиятини якунламоқчи эмас. Бу ҳақда польшалик футболчининг агенти Пини Захави маълум қилди.
"Левандовскининг фаолиятини якунлаши ҳақидаги миш-мишлар ҳақиқатга тўғри келмайди. Роберт ҳамон жаҳон даражасидаги форвард бўлиб қолмоқда," - дея агентнинг сўзларини келтиради Sport.es.
Левандовски 2022 йилнинг ёзидан буён Каталония грандида тўп тепиб келмоқда. Томонлар ўртасидаги амалдаги шартнома муддати 2026 йил июнь ойи охирида тугайди. Робертнинг бозор нархи ўн миллион еврога баҳоланмоқда.
Ҳужумчи Ла Лиганинг жорий мавсумида 9 та ўйин ўтказиб, 7 та гол уришга муваффақ бўлди.
